- Auglýsing -

Molakaffi: Sóley, Hjörtur, Rasmussen, Hanna, Petrov, Groetzki, Cupara

Mynd/Hafliði Breiðfjörð
  • Sóley Ívarsdóttir og Hjörtur Ingi Halldórsson voru valin handknattleiks fólk HK á uppskeruhátið félagsins sem fram fór 10. janúar. Handknattleikskona ársins í flokki ungmenna var valin Rakel Dórothea Ágústsdóttir og Ágúst Guðmundsson flokki karla í flokki ungmenna. Íslandsmeistarar 3. flokks kvenna eru lið ársins 2022 hjá HK. 
  • Ida Margrethe Hoberg Rasmussen hefur fengið leikheimild með KA/Þór og á þar með að vera gjaldgeng með liðinu í dag þegar það mætir HK í Olísdeild kvenna í KA-heimilinu klukkan 15 í dag. Nokkrir dagar eru liðnir síðan KA/Þór sagði frá að félagið hafi samið við dönsku skyttuna.
  • Hanna Karen Ólafsdóttir hefur verið lánuð til ÍR frá Val út keppnistímabilið í vor. ÍR er efst í Grill 66-deild kvenna og sækir FH heim í Kaplakrika klukkan 14 í dag. 
  • Kostadin Petrov línumaður Þórs á Akureyri skoraði fjögur mörk fyrir landslið Norður Makedóníu í gærkvöld gegn Noregi í fyrsta leik liðanna á HM í handknattleik. Leikið var í Kraká í Póllandi og höfðu Norðmenn betur, 39:27.  Pedrov og samherjar mæta Hollendingum á morgun. 
  • Þýski landsliðsmaðurinn Patrick Groetzki tekur nú þátt í sínu sjöunda heimsmeistaramóti. Hann jafnar þar með metin við markvörðinn Silvio Heinevetter sem er eini þýski handknattleiksmaðurinn sem tekið hefur þátt í sjö heimsmeistaramótum á ferlinum. 
  • Serbneski markvörðurinn Vladimir Cupara hefur samið við Dinamo Búkarest og gengur til liðs við félagið í sumarið 2024. Hann hefur þá lokið fimm ára veru hjá Veszprém í Ungverjalandi. Samningur Cupara við Dinamo er til eins árs. Ekki er algengt að menn opinberi samninga sem eiga að taka gildi eftir hálft annað ár.
- Auglýsing -
- Auglýsing -

Nýjustu fréttir

- Auglýsing -