KA/Þór hefur samið við dönsku handknattleikskonuna Ida Hoberg um að leik með liði félagsins út keppnistímabilið í Olísdeild kvenna. Hoberg, sem er 19 ára gömul hægri handar skytta og einnig miðjumaður, kemur frá liði Randers HK í Danmörku þar sem hún hefur leikið undanfarin þrjú ár. Þar áður var Hoberg í Viborg HK en hún kemur upp úr yngriflokkastarfi félagsins.
Í tilkynningu á heimasíðu KA segir Hoberg hafi þrátt fyrir ungan aldur mikla reynslu af leik með meistaraflokki en auk þess að spila með liði Randers hefur hún einnig stundað þjálfun hjá félaginu. Randers varð gjaldþrota í haust og hefur þar af leiðandi ekki tekið þátt í leikjum dönsku úrvalsdeildarinnar undanfarnar vikur.
Fellur inn í myndina
„Hún er sterkur leikmaður sem nýtir hraða og styrk sinn vel bæði í vörn og sókn. Við erum afar spennt fyrir komu hennar norður en í samtali við heimasíðuna sagði Ida að hún væri spennt að koma til liðsins og prófa nýjar aðstæður. Þá byggir hún sjálf leik sinn á baráttugleði, vilja og stemningu sem er nákvæmlega það sem KA/Þór stendur fyrir og komið liði okkar á stall meðal þeirra bestu í efstudeild Íslands,“ segir á heimasíðu KA.
Flautað verður til leiks í Olísdeild kvenna á laugardaginn. KA/Þór sækir Selfoss heim og gera forráðamenn KA/Þórs sér vonir um búið verði að hnýta alla enda vegna félagaskiptanna og að leikheimild liggji fyrir þegar liðið stígur út fjalir Sethallarinnar á Selfossi klukkan 16 á laugardaginn.
