- Auglýsing -
- Þorsteinn Leó Gunnarsson skoraði tvö mörk þegar Porto og Benfica skildu jöfn, 27:27, í portúgölsku úrvalsdeildinni í handknattleik í gær. Leikið var í Porto.
- Stiven Tobar Valencia skoraði einnig tvö mörk fyrir Benfica.
- Porto og Benfica eru efst og jöfn með 30 stig eftir 11 leiki. Meistarar Sporting eru í þriðja sæti en eiga tvo leiki inni á efstu liðin tvö. Auk þess er Sporting, sem Orri Freyr Þorkelsson leikur með, eina lið deildarinnar sem ekki hefur tapað stigi fram til þessa.
- Tumi Steinn Rúnarsson skoraði fjögur mörk í sigurleik Alpla Hard á Linz á útivelli í efstu deild austurríska handknattleiksins í gærkvöld, 37:33. Tryggvi Garðar Jónsson skoraði ekki fyrir Alpla Hard í leiknum. Hannes Jón Jónsson er þjálfari Alpla Hard. Liðið er jafnt tveimur öðrum liðum í öðru til fjórða sæti með 11 stig að loknum níu leikjum.
- Einar Bragi Aðalsteinsson skoraði tvö mörk í sex marka sigri IFK Kristianstad í Eksilstuna í gær þegar liðið sótti heim og lagði Guif, 28:22, í sænsku úrvalsdeildinni í handknattleik. Kristianstad er í öðru sæti deildarinnar með 15 stig þegar níu leikjum er lokið. Malmö er efst með 17 stig en hefur lokið einum leik fleira.
- Birgir Steinn Jónsson skoraði einnig tvö mörk fyrir sitt lið, IK Sävehof, þegar það lagði meistara síðasta keppnistímabils, Ystad, 33:27, á heimavelli í gær í sænsku úrvalsdeildinni. IK Sävehof er í 8. sæti með 10 stig eftir 10 leiki.
- Elvar Ásgeirsson skoraði eitt mark og átti tvær stoðsendingar í tveggja marka sigri Ribe-Esbjerg á Fredericia HK, 34:32, á útivelli í dönsku úrvalsdeildinni í handknattleik. Þetta var annar sigur liðsins í röð. Ribe-Esbjerg færðist upp í 9. sæti deildarinnar með þessu sigri, a.m.k. um stundarsakir, en Bjerringbro/Silkeborg er stigi á eftir og á leik til góða.
- Berta Rut Harðardóttir skoraði þrjú mörk fyrir Kristianstad HK þegar liðið tapaði á útivelli fyrir Höörs HK H 65, 36:29, í sænsku úrvalsdeildinni í gær. Kristianstad er í 9. sæti af 12 liðum deildarinnar með fimm stig að loknum átta umferðum.
- Tryggvi Þórisson skoraði tvö mörk í sigri Elverum á Sandnes, 34:22, í 11. umferð norsku úrvalsdeildarinnar í handknattleik. Elverum er efst í deildinni með 19 stig eftir leikina 11. Kolstad er í öðru sæti, fjórum stigum á eftir, en á tvo leiki inni á Elverum.
- Katla María Magnúsdóttir skoraði sex mörk, þar af þrjú úr vítaköstum, í tíunda sigri Holstebro í næstefstu deild danska handknattleiksins í gær. Holstebro lagði Sæby HK, 34:23, á útivelli. Holstebro hefur yfirburði í deildinni og átta stiga forskot á næstu lið.
- Stöðuna í mörgum deildum evrópsks handknattleiks er að finna hér.
- Auglýsing -
