- Auglýsing -
- Þorsteinn Leó Gunnarsson skoraði fimm mörk og var með fullkomna skotnýtingu þegar Porto vann nauman sigur á Benfica, 30:29, í annarri umferð efstu liðanna fjögurra liða úrslitum portúgölsku 1. deildarinnar í Lissabon í gær.
- Stiven Tobar Valencia skoraði þrjú mörk í þremur skotum fyrir Benfica-liðið sem var marki yfir í hálfleik, 16:15.
- Eftir tvær umferðir hafa Sporting Lissabon og Porto með tvö sigra. Benfica hefur unnið einn leik en Madeira er án stiga. Eins og kom fram í gærmorgun á handbolti.is þá vann Sporting lið Madeira, 35:24, á laugardaginn.
- Eftir frábæran sigur á PSG í útsláttarkeppni Meistaradeildar Evrópu í handknattleik á fimmtudagskvöld þá fylgdi Pick Szeged sigrinum eftir í gær með því að leggja PLER-Búdapest, 35:24, á heimavelli í ungversku 1. deildinni í handknattleik. Janus Daði Smárason skoraði fimm mörk fyrir Pick Szeged í leiknum.
- Pick Szeged er í öðru sæti deildarinnar með 36 stig í 21 leik, sex stigum á eftir One Veszprém sem hefur reyndar leikið einum leik fleira. Leiknar verða alls 26 umferðir í deildinni áður en úrslitakeppnin tekur við.
- Auglýsing -
