- Auglýsing -
- Tumi Steinn Rúnarsson skoraði fimm mörk og gaf tvær stoðsendingar þegar Alpla Hard vann BT Füchse 36:28, á heimavelli í austurrísku 1. deildinni í handknattleik í gær. Með sigrinum færðist liðið upp í efsta sæti deildarinnar. Liðið hefur 12 stig að loknum átta leikjum eins og BT Füchse. Krems er í þriðja sæti með 11 stig og á leik til góða á BT Füchse og Alpla Hard.
- Guðmundur Bragi Ástþórsson skoraði fimm mörk, öll úr vítaköstum, í fimm marka sigri Bjerringbro/Silkeborg í heimsókn til Ribe-Esbjerg í níundu umferð dönsku úrvalsdeildarinnar í gær, 33:28. Bjerringbro/Silkeborg færðist upp í annað sæti deildarinnar með 14 stig.
- Elvar Ásgeirsson skoraði eitt mark en gaf fimm stoðsendingar í liði Ribe-Esbjerg. Ágúst Elí Björgvinsson varði þrjú skot af níu þann tíma sem hann var í marki liðsins. Ribe-Esbjerg er næst neðst með þrjú stig.
- Stöðuna í dönsku úrvalsdeildinni og í fleiri deildum evrópsks handknattleiks er að finna hér.
- Viktor Gísli Hallgrímsson og liðsmenn Wisla Plock unnu stórsigur í heimsókn til Gwardia Opole, 33:22, í áttundu umferð pólsku úrvalsdeildarinnar í gær. Wisla Plock er efst með 24 stig eftir átta leiki. Industria Kielce er með jafn mörg stig en hefur leikið einum leik fleira.
- Einar Bragi Aðalsteinsson skoraði eitt mark þegar IFK Kristianstad vann Amo HK, 37:29, níundu umferð sænsku úrvalsdeildarinnar í gær. Með sigrinum færðist IFK upp í annað sæti deildarinnar með 11 stig. Arnar Birkir Hálfdánsson skoraði eitt mark fyrir Amo HK sem er í 11. sæti af 14 liðum með sex stig.
- Tryggvi Þórisson og félagar í Sävehof töpuðu toppslagnum fyrir Ystads IF með sex marka mun, 38:32, í Ystad í gær. Þar með féll Sävehof niður í þriðja sæti úrvalsdeildar með 10 stig. Ystads IF hefur 14 stig í efsta sæti að loknum átta leikjum.
- Stöðuna í sænsku úrvalsdeildinni og í fleiri deildum evrópsks handknattleiks er að finna hér.
- Auglýsing -
