- Auglýsing -
- Tumi Steinn Rúnarsson skoraði fimm mörk og gaf fimm stoðsendingar þegar Alpla Hard vann HC Fivers í fyrstu viðureign liðanna í undanúrslitum um austurríska meistaratitilinn í gær, 40:38. Leikið var á heimavelli Hard og varð að framlengja leikinn vegna þess að staðan var jöfn, 32:32, eftir 60 mínútna leik.
- Næsti leikur Alpla Hard og Fivers fer fram á heimavelli þeirra síðarnefndu á þriðjudaginn. Hannes Jón Jónsson er þjálfari Alpla Hard.
- Í hinni viðureign undanúrslita vann Krems meistara síðasta árs, Linz, 28:25.
- Haukur Þrastarson var ekki í leikmannahópi Dinamo Búkarest þegar liðið tapaði fyrir Minaur Baia Mare, 33:26, á heimavelli í gær í síðustu umferð rúmensku 1. deildarinnar. Eins og í leiknum á undan þá voru margir ungir og óreyndir leikmenn í liði Dinamo-liðsins sem vann deildina með yfirburðum þrátt fyrir að tapa tveimur síðustu leikjunum á sannfærandi hátt.
- Hvorki Arnór Viðarsson né Tjörvi Týr Gíslason voru á meðal þeirra sem skoraði fyrir Bergischer HC þegar liðið vann Ferndorf á útivelli í 2. deild þýska handknattleiksins í gær, 31:28. Arnór Þór Gunnarsson er annar þjálfara Bergischer HC sem hefur 13 stiga forskot í efsta sæti þegar þrjár umferðir eru eftir óleiknar.
Vinsælt lesefni:
- Auglýsing -
