- Auglýsing -
- Viktor Gísli Hallgrímsson var allan leikinn í marki Barcelona í gærkvöld þegar liðið vann BM Torrelavega, 35:27, á útivelli í spænsku 1. deildinni í handknattleik á útivelli. Viktor Gísli varði 15 skot, 36%. Daninn Emil Nielsen sat á varamannabekknum allan leikinn. Adrian Sola Basterra var markahæstur hjá Barcelona með sex mörk og Petar Cikusa var næstur með fimm mörk.
- Barcelona er langefst í deildinni með 28 stig eftir 14 leiki, er níu stigum á undan Logrono La Rioja og Bidasoa Irun en bæði lið eiga reyndar leik til góða á meistarana.
- Orri Freyr Þorkelsson skoraði fimm mörk í sex skotum í stórsigri Sporting Lissabon á Arsenal Clube Devesa, 43:22, á heimavelli. Sporting hefur unnið allar 16 viðureignir sínar til þessa í deildinni og hefur 48 stig.
- Stiven Tobar Valencia skoraði eitt mark úr þremur skotum er Benfica lagði Vitória, 33:22, á heimavelli í umferð portúgölsku 1. deildarinnar í gærkvöld. Leikið var í Lissabon. Benfica er í öðru sæti með 44 stig eftir 16 leiki og Porto er tveimur stigum á eftir í þriðja sæti.
- Lissabon-liðin, Sporting og Benfica, mætast í 17. umferð portúgölsku deildarinnar á föstudagskvöld á heimavelli Sporting.
- Úlfar Páll Monsi Þórðarson var ekki á meðal þeirra sem skoruðu fyrir RK Alkaloid er liðið vann Butel Skopje, 33:28, í 18. umferð úrvalsdeildarinnar í Norður Makedóníu í gær. RK Alkaloid settist í annað sæti deildarinnar með 29 stig að loknum 18 leikjum. Vardar er efst með 34 stig eftir 18 leiki. Eurofarm Pelister og Ohrid eru í þriðja og fjórða sæti með 28 og 27 stig og eiga leik inni á RK Alkaloid og Vardar.
- Auglýsing -
