Kátt var á hjalla í Laugardalshöll í gær eftir að íslenska landsliðið í handknattleik karla lagði Tékka með níu marka mun, 28:19, í undankeppni Evrópumótsins.
Meðal áhorfenda var forseti Íslands, Hr. Guðni Th. Jóhannesson, sem er dyggur stuðningsmaður landsliðsins að fornu og nýju auk þess að vera fyrrverandi handknattleiksmaður.
Forsetinn áritaði treyjur barna eftir leikinn og tók einnig að sér að vera ljósmyndari fyrir ungan aðdáanda Arons Pálmarssonar landsliðsmanns sem langaði að fá mynd af sér með fyrirliðanum.
Reyndar er þetta ekki í fyrsta skiptið sem forsetinn tekur að sér að mynda fyrir áhorfendur eftir landsleik.
Myndasyrpa: Forseti Íslands brá sér í hlutverk ljósmyndara á Ásvöllum
Hafliði Breiðfjörð ljósmyndari var með augun hjá sér eftir leikinn í Laugardalshöll og náði þessum skemmtilegu myndum hér fyrir neðan þar sem forsetinn lék á als oddi. Smellið á myndirnar til þess að sjá þær stærri.
Sjá einnig:
Myndasyrpa: Elís greip í taumana þegar vörin á Viggó sprakk
Myndasyrpa: „Boltinn kom rétt hjá auganu“
Myndasyrpa: Stiven sló í gegn utan vallar sem innan í fyrsta heimleiknum
