Upp úr sauð á 36. mínútu leiks Íslands og Tékklands í Laugardalshöll kvöld þegar Jakob Hrstka fór inn úr vinstra horni og skaut í höfuðið á Viktori Gísla Hallgrímssyni. Viktor Gísli lá eftir um stund meðan Aron Pálmarsson fyrirliði og fleiri lásu Hrstka pistilinn.
Um síðir skarst Oliver Kiss dómari og fyrrverandi markvörður Aftureldingar í leikinn og vísaði Tékkanum af leikvelli í tvær mínútur.
„Boltinn kom rétt hjá auganu sem var ekki svo slæmt en það hefði geta farið illa ef það hefði verið aðeins nær,“ sagði Viktor Gísli um atvikið þegar handbolti.is innti hann eftir því í leikslok.
Viktor Gísli gat haldið áfram í mark Íslands hvar hann fór hamförum.
Hinn árvökuli ljósmyndari, Hafliði Breiðfjörð, náði einstakri myndasyrpu atvikinu og eftirmálum þess sem birtist hér fyrir neðan. Smellið á myndirnar til þess að sjá þær stærri.
