Á annað hundrað Íslendingar voru í stuðningsmannasveit íslenska landsliðsins í handknattleik í Zagreb Arena í höfuðborg Króatíu á fyrsta leik landsliðsins á heimsmeistaramótinu í handknattleik. Þar á meðal var Ásthildur Lóa Þórsdóttir nýr mennta- og barnamálaráðherra en íþróttir heyra undir hennar ráðuneyti.
Fer fjölgandi
Íslendingum á eftir að fjölga í Zagreb Arena eftir því sem á mótið líður. Strax um helgina verða þeir væntanlega fleiri á viðureignunum við Kúbu og Slóveníu. Reiknað er með a.m.k. 2.000 áhorfendum á leikina í milliriðlum í næstu viku og um aðra helgi.
Hafliði Breiðfjörð ljósmyndari hafði augu á áhorfendum í gær á leiknum við Grænhöfðaeyjar. Hér fyrir neðan eru nokkrar myndir af hressum Íslendingum fylgjast með sigurleiknum, 34:21.
(Smellið á myndirnar til að sjá þær stærri).
Sjá einnig: Landslið Íslands á HM 2025 – strákarnir okkar
