Stjarnan lagði ÍBV, 34:29, í undanúrslitum Poweradebikars karla í handknattleik á Ásvöllum í gærkvöld. Stjarnan mætir Fram í úrslitaleik keppninnar á laugardaginn klukkan 16 á Ásvöllum. Fram vann Aftureldingu, 36:33, í hinni viðureign undanúrslita í gær. Þurfti framlengingu til að knýja fram úrslit.
Í kvöld verður leikið til undanúrslita í kvennaflokki. Fram og Valur hefja leik klukkan 18 og Grótta og Haukar klukkan 20.15.
Jói Long (J.L.Long) var á Ásvöllum og fylgdist með leik Stjörnunnar og ÍBV í gegnum linsu myndavélar sinnar. Hér fyrir neðan eru nokkrar myndir Jóa frá leiknum. Handbolti.is þakkar Jóa fyrir myndirnar.
