Dagurinn var vel nýttur hjá leikmönnum og þjálfurum u19 ára landsliðs kvenna sem hefur í fyrramálið keppni á Evrópumótinu í Podgorica í Svartfjallalandi. Tekin var hressileg æfing í æfingasal en ekki í keppnishöllinni þar sem fyrsti leikurinn við Dani fer fram og hefst klukkan 10 að íslenskum tím. Auk þess voru tveir fundir hjá leikmönnum og þjálfunum. Þar á ofan nýttu leikmenn tímann til þess að slaka á og safna kröftum fyrir leikinn sem verður vafalaust erfiður enda eru Danir með eitt besta lið heims í þessum aldursflokki.
Leikjadagskrá í riðlinum - íslenskir leiktímar:
9. júlí: Ísland – Danmörk kl. 10.
10. júlí: Ísland – Litháen kl. 10.
12. júlí: Ísland – Svartfjallaland kl. 15.
- Allir leikir mótsins verða sendir út á ehftv.com. Áskrift að mótinu kostar 5 evrur, eftir því sem næst verður komist.
Hér fyrir neðan eru nokkrar myndir frá deginum af leikmönnum við mat, æfingar og fundi. Ljósmyndir/JIG
EM19: Ætlum að gera allt til þess að stríða þeim
EM kvenna 19 ára hefst í næstu viku – keppnishópurinn valinn
EM hefst á miðvikudag – brottför er framundan
