Íslenska landsliðið í handknattleik kvenna, skipað leikmönnum 18 ára og yngri, hefur keppni í fyrramálið, að íslenskum tíma, á heimsmeistaramótinu sem fram fer í borginni Chuzhou í Kína. Upphafsleikur íslensku stúlknanna verður gegn tékkneska landsliðinu. Hefst hann klukkan 8 árdegis.
Stúlkurnar og fylgdarlið kom til Kína í gær eftir langt og strangt ferðalag eins og áður hefur verið komið inn á.
Æft var í dag í keppnishöllinni auk þess sem tíminn var nýttur til þess að funda og fara yfir eigin leik og andstæðinganna.
Auk Tékka er íslenska liðið með landsliðum Gíneu og Þýskalands í riðli.
Hér fyrir neðan eru nokkrar myndir frá deginum hjá 18 ára landsliðinu í Chuzhou í Kína.
Fyrstu leikir Íslands á HM 18 ára landsliðs kvenna:
14. ágúst: Ísland - Tékkland, kl. 08.00.
16. ágúst: Ísland - Þýskaland, kl. 06.00.
17. ágúst: Ísland - Gínea, kl. 08.00.
- Leiktímar eru miðaðir við klukkuna á Íslandi.
- Handbolti.is verður með textalýsingar frá leikjum íslenska landsliðsins. Einnig verður vonandi hægt að tengjast ókeypis streymi frá leikjum Íslands í gegnum handbolti.is.
HM18: Mættar til Kína – fyrsta æfingin framundan – aðstæður góðar
HM18: Fara fullar sjálfstrausts á framandi slóðir
HM18: Lagt af stað til keppni í Kína – fyrsti leikur á miðvikudag
