Haukur Þrastarson er í liði 10. umferðar þýsku 1. deildarinnar í handknattleik eftir stórleik með Rhein-Neckar Löwen gegn Stuttgart á sunnudagin. Haukur skoraði 14 mörk í 16 skotum og gaf sex stoðsendingar í sigri Rhein-Neckar Löwen, 38:34.
Þetta er í fyrsta sinn sem Haukur er í liði umferðarinnar. Hann gekk til liðs við Rhein-Neckar Löwen í sumar frá rúmenska meistaraliðinu Dinamo í Búkarest.
Haukur er í íslenska landsliðinu sem kom saman til æfinga í München í gær en framundan er nærri viku æfinga- og leikjavika hjá íslenska landsliðinu með tveimur vináttuleikjum við þýska landsliðið, annar á fimmtudag og hinn á sunnudaginn.
„Ég hlakka til leikjanna við Þýskaland og um leið mæta nokkrum samherjum mínum,“ sagði Haukur í samtali við sjónvarpsstöðina Dyn eftir stórleikinn með Rhein-Neckar Löwen.
