Myndskeið: Stórleikur Ómars Inga – er í liði fyrstu umferðar

Ómar Ingi Magnússon landsliðsmaður í handknattleik og leikmaður Evrópumeistara SC Magdeburg er í liði 1. umferðar þýsku 1. deildarinnar. Skal svo sem engan undra vegna þess að Ómar Ingi fór hamförum í sigri Magdeburg á Lemgo, 33:29, á föstudaginn. Hann skoraði 15 mörk í 18 tilraunum.

Hér fyrir neðan er myndskeið með nokkrum marka Ómars Inga í leiknum við Lemgo.