Myndskeið: Viktor Gísli gerði andstæðingunum gramt í geði

Viktor Gísli Hallgrímsson hefur stimplað sig hressilega inn í pólska handknattleikinn með meistaraliðinu Wisła Płock sem hann samdi við í sumar. Hann hefur varið eins og berserkur í leikjum liðsins í pólsku deildinni og einnig í Meistaradeild Evrópu.

Wisła Płock vann Górnik Zabrze, 27:20, á útivelli í fjórðu umferð pólsku úrvalsdeildarinnar í gær. Viktor Gísli lét til sín taka eins og kemur skýrt fram í myndskeiðinu hér fyrir neðan þá lék hann leikmenn Górnik Zabrze grátt.