Nýliðar Olísdeildar karla, Fjölnir og ÍR, mætast í fyrstu umferð Olísdeildar karla í handknattleik þegar blásið verður til upphafs deildarinnar 5. september. Leikurinn skal fara fram í Fjölnishöllinni. Þetta kemur fram í niðurröðun leikja deildarinnar sem Handknattleikssamband Íslands birti í gær. Samkvæmt leikjadagskránni fer heil umferð fram fimmtudaginn 5. september og önnur umferð viku síðar, 12. september.
Íslands,- og deildarmeistarar FH hefja titilvörnina á heimavelli gegn Fram. Verður þetta annað árið í röð sem FH-ingar hefja leika í Kaplakrika en þeir mættu Aftureldingu í upphafsleik Olísdeildar á síðasta ári með nær því fullu húsi áhorfenda í Kaplakrika.
Leikir fyrstu umferðar Olísdeildar karla 5. september:
Stjarnan – HK.
FH – Fram.
Grótta – KA.
ÍBV – Valur.
Haukar – Afturelding.
Fjölnir – ÍR.
Nánar er hægt forvitnast um niðurröðun leikja Olísdeildar karla hér.