Engin breyting verður á leikmannahópi Íslands sem mætir Úrúgvæ í dag frá viðureigninni við Serba í fyrrakvöld á heimsmeistaramóti kvenna í handknattleik. Alexandra Líf Arnarsdóttir og Andrea Jacobsen verða utan hópsins. Andrea var kölluð inn í 18 kvenna hópinn í morgun.
Leikur Íslands og Úrúgvæ hefst klukkan 14.30 í Porshe Arena í Stuttgart og verður fylgst með honum á handbolti.is. Sigurliðið tryggir sér sæti í milliriðlakeppni HM í Dortmund sem hefst á þriðjudag, tapliðið keppir um forsetabikarinn í Hollandi.
Leikmannahópur Íslands í dag er eftirfarandi:
Markverðir:
Hafdís Renötudóttir, Valur (72/5).
Sara Sif Helgadóttir, Haukar (16/0).
Aðrir leikmenn:
Alfa Brá Oddsdóttir Hagalín, Fram (12/8).
Dana Björg Guðmundsdóttir, Volda (15/32).
Díana Dögg Magnúsdóttir, HSG Blomberg-Lippe (68/91).
Elín Klara Þorkelsdóttir, IK Sävehof (29/104).
Elín Rósa Magnúsdóttir, HSG Blomberg-Lippe (34/66)
Elísa Elíasdóttir, Valur (25/19).
Katrín Anna Ásmundsdóttir, Fram (16/27).
Katrín Tinna Jensdóttir, ÍR (30/25).
Lovísa Thompson, Valur (33/68).
Matthildur Lilja Jónsdóttir, ÍR (4/0).
Rakel Oddný Guðmundsdóttir, Haukar (6/3).
Sandra Erlingsdóttir, ÍBV (41/169).
Thea Imani Sturludóttir, Valur (94/208).
Þórey Anna Ásgeirsdóttir, Valur (50/74).
Andrea er klár í HM-slaginn – má vera með í dag
A-landslið kvenna – fréttasíða.
HM kvenna ”25 – dagskrá, riðlakeppni, úrslit
Landslið Íslands á HM kvenna 2025
