Æfingar fullorðinna og keppni í handknattleik verður óheimil á höfuðborgarsvæðinu frá og með miðnætti til og með 19. október. Fimmtán og ára og yngri mega stunda æfingar. Þetta er meðal þess sem kemur fram í reglugerð sem Svandís Svavarsdóttir heilbrigðisráðherra gaf út í kvöld og birt er á vef Stjórnarráðsins. Reglugerðin tekur gildi á miðnætti og verður í gildi til 19. október.
Með höfuðborgarsvæðinu er átt við Reykjavík, Seltjarnarnesbæ, Mosfellsbæ, Kjósarhrepp, Hafnarfjarðarkaupstað, Garðabæ og Kópavog.
Þar með er ljóst að keppni á Íslandsmótinu í handknattleik mun liggja niðri alltént til 20. október. Æfingar 16 ára og eldri verða einnig settar í salt til og með 19. okótóber.
Íþróttir, æfingar jafnt sem keppni utanhúss, eru aftur á móti heimilar en áhorfendur á íþróttaviðburðum utandyra skulu ekki vera fleiri en 20 í hverju rými. Áhorfendur skulu bera grímu og sitja í merktum sætum. Þórólfur Guðnason, sóttvarnalæknir, hafði lagt til í minnisblaði að óheimilt yrði að stunda æfingar og keppni utandyra. Ráðherra ákvað að ganga ekki svo langt.
