Ljóst er hvaða þjóðir mætast í átta liða úrslitum handknattleikskeppni karla á Ólympíuleikunum eftir að riðlakeppninni lauk í kvöld. Einnig hafa leiktímar verið staðfestir af Alþjóða handknattleikssambandinu. Um leið liggur einnig fyrir hvernig undanúrslitaleikirnir leggjast.
Leikir átta liða úrslita verða á miðvikudaginn. Þeir fara fram í Pierre Mauroy Stadium í Lille.
Þar af leiðandi verða leikmenn, þjálfarar og starfsmenn liðanna átta að kveðja Ólympíuþorpið í París í fyrramálið og fara til Lille, sem er nærri landamærum Frakklands og Belgíu.
Átta liða úrslit:
Spánn – Egyptaland, kl. 7.30.
Þýskaland – Frakkland, kl. 11.30.
Danmörk – Svíþjóð, kl. 15.30.
Noregur – Slóvenía, kl. 19.30.
– leiktímar færðir til klukkunnar á Íslandi.
Sigurliðin leika til undanúrslita föstudaginn 9. ágúst.
Þýskaland/Frakkland – Spánn/Egyptaland.
Noregur/Slóvenía – Danmörk/Svíþjóð.
Leikið verður um verðlaunasæti þrjú sunnudaginn 11. ágúst.
Sjá einnig:
