Portúgalska dómaraparið Daniel Accoto Martins og Roberto Accoto Martins dæma fyrsta leik Íslands á Evrópumótinu í handknattleik gegn Serbum á föstudaginn.
Handknattleikssamband Evrópu gaf út í dag hvaða dómarar dæma þrjá fyrstu keppnisdaga mótsins, þ.e. í fyrstu umferðinni.
Anton og Jónas bíða
Anton Gylfi Pálsson og Jónas Elíasson eru ekki á meðal þeirra dómara sem verða í eldlínunni í upphafi mótsins. Þeir eru eitt 18 para sem dæma á mótinu.
Danirnir Mads Hansen og Jesper Madsen dæma stórleikinn á milli Þýskalands og Sviss fyrir framan liðlega 53 þúsund áhorfendur í Düsseldorf. Þá verður sett heimsmet í aðsókn á handboltaleik.
Upphafsleik EM, milli Frakka og Norður Makedóníumanna, dæma Svíarnir Mirza Kurtagic Mattias Wetterwik. Sú viðureign hefst í Düsseldorf á undan viðureign Þýskalands og Sviss á sama keppnisstað.
Hér er hægt að sjá skrá yfir dómara á þremur fyrstu umferðum Evrópumótsins sem hefst í Þýskalandi á morgun, miðvikudag.
EM í handknattleik karla hefst 10. janúar í Düsseldorf í Þýskalandi og stendur til 28. janúar. Leikir Íslands í C-riðli EM í München: 12.jan.: Ísland – Serbía, kl. 17. 14.jan.: Ísland – Svartfj. land, kl. 17. 16.jan.: Ísland – Ungv.land, kl. 19.30.
