Reykjavíkurliðin Fram og Valur mætast í undanúrslitum Powerade-bikarkeppni kvenna fimmtudaginn 27. febrúar. Valur er bikarmeistari frá síðasta ári. Í hinni viðureigninni eigast við Grótta og Haukar.
Í undanúrslitum í karlaflokki eigast við grannliðin Fram og Afturelding og Stjarnan og ÍBV. Undanúrslitaleikir karla verða miðvikudaginn 26. febrúar.
Allar viðureignirnir fara fram á Ásvöllum í Hafnarfirði.
Leikir undanúrslita, leikdagar og leiktímar
Miðvikudagur 26. febrúar:
18.00: Fram – Afturelding.
20.15: Stjarnan – ÍBV.
Fimmtudagurinn 27. febrúar:
18.00: Fram – Valur.
20.15: Grótta – Haukar.
Miðasala fer fram á stubb.is.
Úrslitaleikirnir fara fram á Ásvöllum laugardaginn 1. mars kl. 13.30 í kvennaflokki og klukkan 16 í karlaflokki.
Valur varð Poweradebikarmeistari í karla- og kvennaflokki á síðasta ári.
