Samstarf Fjölnis og Fylkis um rekstur meistaraflokks kvenna í handknattleik verður ekki framlengt. Í tilkynningu í dag kemur fram að félögin hafi komst að þessari niðurstöðu í sameiningu eftir að tímabilinu í Grill 66-deild kvenna lauk.
Meistaraflokkur kvenna mun á ný keppa undir merkjum Fjölnis frá og með næsta tímabili, segir í tilkynningunni. Hvað tekur við hjá Fylki er óvíst um þessar mundir.
Samstarf Fjölnis og Fylkis um að halda úti sameiginlegu liði í meistaraflokki kvenna hófst fyrir tímabilið 2020-2021. Lið félaganna rak lestina í Grill 66-deildinni sem lauk á dögunum.
Ekki er útilokað að samstarf verði haldið áfram á milli félaganna vegna 3. og 4. flokka karla og kvenna. Hvort af því verður eða ekki liggur fyrir innan nokkurra vikna.
