Landslið Íslands, skipað leikmönnum 18 ára og yngri, vann landslið Íran í sama aldursflokki með fjögurra marka mun í þriðju og síðustu umferð æfingamóts í Ungverjalandi í dag, 30:26. Einnig var fjögurra marka munur að loknum fyrri hálfleik, 16:12, Íslandi í hag.
Þátttaka í mótinu var liður í undirbúningi íslenska landsliðsins fyrir Evrópumót 18 ára landsliða sem hefst í Podgorica í Svartfjallalandi 7. ágúst. Íslensku piltarnir unnu tvo leiki á mótinu, gegn Ungverjalandi 31:25, og síðan viðureignina við Íran í dag. Í gær tapað íslenska liðið fyrir Slóvenum, 30:28, eftir að hafa aldrei náð sér almennilega á flug.
Gegn Íran í dag var íslenska liðið með yfirhöndina frá upphafi til enda. Aldrei tókst strákunum þó að hrista Írana almennilega af sér og náð verulegu forskoti. Það forskot sem náðist þó var aldrei í hættu.
Mörk Íslands: Antonie Óskar Pantano 8, Bernard Kristján Owusu Darkho 7, Garðar Ingi Sindrason 4, Daniel Montoro 3, Harri Halldórsson 3, Dagur Leó Fannarsson 2, Ævar Smári Gunnarsson 1, Ágúst Guðmundsson 1, Dagur Árni Heimisson 1.
Varin skot: Elías Sindri Pilman 5, Jens Sigurðarson 1.
Hægt var að fylgjast með leiknum við Íran í dag í streymi.
Streymi: Ísland – Íran, æfingamót 18 ára landsliða, kl. 13.45
