- Auglýsing -
Handknattleikskonan Sara Björg Davíðsdóttir hefur gengið til liðs við Gróttu á lánssamningi út núverandi keppnistímabil. Hún kemur til Gróttu frá Fjölni í Grafarvogi þar sem hún er uppalin á handknattleikssviðinu. Sara er fædd árið 2004 og getur bæði leikið sem leikstjórnandi og vinstri skytta. Hún hefur leikið lykilhlutverk með Fjölni á tímabilinu og skorað 77 mörk með liðinu.
„Sara er sterkur sóknarmaður sem getur leyst bæði vinstri skyttu og miðju og mun koma til með að nýtast okkur vel í komandi baráttu. Hún er metnaðarfull og mun koma til með að passa vel inn í okkar hóp,“ er haft eftir Sigurjóni Friðbirni Björnssyni þjálfara Gróttu í tilkynningu.
Grótta, sem er í öðru sæti Grill 66-deildar kvenna, vann HK í gærkvöld, 29:21.
- Auglýsing -
