Að fenginni góðri reynslu hefur Sara Sif Helgadóttir markvörður ákveðið að leika áfram með Val. Þessu til staðfestingar hefur hún skrifað undir nýjan tveggja ára samning við félagið. Samningurinn gildir út leiktíðina 2025.
Þetta er afar góð tíðindi fyrir Val. Sara Sif hefur verið einn allra besti markvörður Olísdeildarinnar undanfarin ár og hreinlega blómstrað eftir komuna til Vals fyrir tveimur árum eftir veru hjá Fram og HK en að upplagi er Sara Sif úr Fjölni.
Sara Sif hefur verið með annan fótinn í landsliðinu undanfarin misseri og var m.a. í hópnum sem vann ísraelska landsliðið í forkeppni HM í byrjun nóvember.
Fyrir nokkru varð Sara Sif fyrir því óláni að meiðast á hné sem væntanlega kemur í veg fyrir frekari þátttöku hennar í leikjum Valsliðsins þar sem eftir er leiktíðar.
