Sigurvin færir sig yfir í Breiðholt

Sigurvin Jarl Ármannsson hefur samið við ÍR, nýliða Olísdeildar karla, til tveggja ára. Sigurvin, sem kemur til liðsins frá HK, er 27 ára gamall örvhentur hornamaður. Hann hefur verið í HK í sex ár en var þar áður bæði hjá Gróttu og Vals, ef minni tíðindamanns handbolta.is er ennþá bærilegt.

„Það er afar ánægjulegt að Sigurvin hafi ákveðið að taka slaginn með okkur. Hann er góður karakter sem mun auka breiddina okkar hægra megin á vellinum og smellpassar inn í hópinn,“ er haft eftir Bjarna Fritzsyni þjálfara ÍR í tilkynningu í kvöld.

Karlar – helstu félagaskipti 2024