Þórey Anna Ásgeirsdóttir var að vonum glöð þegar handbolti.is hitti hana að máli í dag eftir sigur á Úrúgvæ, 33:19, sem tryggði íslenska landsliðinu sæti í milliriðlakeppni HM eftir að skiplagi heimsmeistaramótsins var breytt árið 2021. Ísland er reyndar aðeins með í þriðja sinn á heimsmeistaramóti frá upphafi.
„Þetta var bara geggjað og gaman að hafa unnið einn leik,“ segir Þórey Anna og undirstrikar að það skipti landsliðshópinn miklu máli að komast í milliriðil og fá þar þrjá hörkuleiki í stað þess að leika gegn minni spámönnum í forsetabikarkeppninni.
„Þetta skiptir miklu máli fyrir hópinn og þróun hans sem er hröð um þessar mundir. Við erum líka í dauðafæri að vinna einhvern af leikjunum í milliriðli. Það er allt galopið í milliriðli,“ sagði Þórey Anna sem er spennt fyrir að skipta yfir til Dortmund eftir nærri viku dvöl í Stuttgart.
Lengra viðtal við Þóreyju Önnu er í myndskeiðinu hér fyrir ofan.
Fyrsti sigur Íslands á stórmóti síðan í janúar
A-landslið kvenna – fréttasíða.
HM kvenna ”25 – dagskrá, riðlakeppni, úrslit
Landslið Íslands á HM kvenna 2025
Öruggur sigur á Úrúgvæ – sæti í milliriðlum – fyrsti leikur á þriðjudag
