Andri Már Rúnarsson, sem valinn var í landsliðshópinn í handknattleik karla í byrjun vikunnar er meiddur en Rúnar Sigtryggsson faðir Rúnars og þjálfari Leipzig þar sem Andri Már leikur með segir í samtali við Handkastið að hann vonast til að Andri Már geti spilað á morgun þegar Leipzig mætir Füchse Berlín í síðasta leik ársins.
Hefur ekki gengið
„Á sama tíma og Snorri hringdi í hann og tilkynnti honum að hann væri í hópnum þá sneri hann sig í bikarleik gegn Melsungen. Hann hefur verið að reyna að taka þátt í síðustu tveimur leikjum en það hefur ekki gengið,“ segir Rúnar í samtali við Handkastið sem var að gefa út nýjan þátt.
„Það lítur hinsvegar alltaf betur og betur út með hverjum deginum. Ég reikna með honum inná vellinum á móti Fuchse Berlin á morgun,“ segir Rúnar ennfremur.
Passar inn í hraðann bolta
Kom það Rúnari á óvart að sonurinn hafi verið valinn í 20 manna hópinn?
„Ekkert frekar, þetta fer eftir því hvernig handbolta þú vilt spila. Ég held að Andri passi inn í hraðan bolta.“
Ítarlegt viðtal er við Rúnar í nýjasta þætti Handkastsins sem er m.a. að finna hér fyrir neðan. Þar hitar Rúnar upp fyrir EM.
