Gummersbach sótti tvö góð stig til Mannheim í kvöld þegar liðið lagði Rhein-Neckar Löwen, 34:32, í þýsku 1. deildinni í handknattleik. Mjög öflugur leikkafli í síðari hálfleik lagði grunn að sigri liðsins en það náði um skeið sex marka forskoti, 27:21. Þrátt fyrir ákafar tilraunir þá tókst leikmönnum Rhein-Neckar Löwen ekki að minnka muninn í meira en tvö mörk skipti eftir skipti á lokakaflanum.
Rhein-Neckar Löwen vann óvæntan sigur á Flensburg á útivelli um síðustu helgi og því voru leikmenn til alls líklegir. Þeir byrjuðu betur en lærisveinar Guðjóns Vals Sigurðssonar í Gummersbach-liðinu létu ekki hug falla, heldur sneru taflinu við.
Elliði Snær Viðarsson skoraði fjögur mörk fyrir Gummersbach og var vikið af leikvelli í tvígang.
Teitur Örn Einarsson skoraði tvö mörk og gaf eina stoðsendingu.
Staðan í þýsku 1. deildinni:
