Handknattleikssamband Evrópu aftekur með öllu að annað en þjóðsöngur Íslands hafi verið leikinn í Lanxess Arena í Köln í gærkvöld. Hinsvegar hafi tækið sem Lofsöngur Sveinbjarnar Sveinbjörnssonar var ekki virkað sem skyldi. Hann hafi staðið á sér og þar af leiðandi hafi tónarnir sem hljómuðu í salnum í drjúga stund ekki líkst þjóðsöng Íslendinga. Tækið hafi verið endurræst. Að því loknu hafi Lofsöngurinn hljómað eins og til stóð.
Atvikið vakti mikla athygli í Lanxess Arena í gærkvöld, ekki aðeins meðal Íslendinga heldur annarra sem áttuðu sig á að ekki var allt með felldu.
TV2 í Danmörku sendi EHF fyrirspurn vegna atviksins og fékk þau svör sem getið er um að ofan um bilun í hljómflutningstæki eða tölvu.
Báðust afsökunnar
Strax að leik loknum bað fulltrúi Handknattleikssambands Evrópu HSÍ afsökunar á atvikinu. Hefur það ekki frekari eftirmála að hálfu HSÍ, að sögn Róberts Geirs Gíslasonar framkvæmdastjóra.
„Það er með því vandræðalegra sem ég hef upplifað lengi að það kom rangur þjóðsöngur. Ég vissi ekki hvaða þjóðsöngur þetta væri því það vissi það eiginlega enginn,“ sagði Alfreð Gíslason landsliðsþjálfari Þýskalands í samtali við Vísir.
Uppfært: Handknattleikssamband Evrópu og þýska handknattleikssambandið hafa formlega beðist afsökunnar.
