Stefnt á að taka upp þráðinn 11. nóvember

Vegna takmarkana á æfingum og keppni í íþróttum hefur HSÍ frestað mótahaldi sínu til 11. nóvember nk.

Unnið er að endurröðun leikja í deild og í bikarkeppni meistaraflokka og verður það kynnt nánar í næstu viku. Stefnt er að því að hefja keppni á ný dagana 11. – 15. nóvember.

Í tilkynningu HSÍ hvetur sambandið félög sín til að fylgja öllum reglum og tilmælum þegar kemur að æfingum.