- Auglýsing -
Tumi Steinn Rúnarsson mætti til leiks með Alpla Hard í efstu deild austurríska handknattleiksins í gær eftir að hafa verið frá keppni um tíma vegna tognunar í kviðvöðva. Hann skoraði sex mörk og átti jafn margar stoðsendingar í sigurleik Alpla Hard á Krems, 36:30, á útivelli í toppslag deildarinnar. Tumi Steinn og félagar voru fjórum mörkum yfir í hálfleik, 18:14.
Alpla Hard náði tveggja stiga forystu í efsta sæti deildarinnar með þessum góða sigri á útivelli. Kremst og Füchse eru í öðru og þriðja sæti með 23 stig hvort.
Hannes Jón Jónsson er þjálfari Alpla Hard. Hann framlengdi samning sinn við félagið í síðasta mánuði.
Stöðuna í austurrísku 1. deildinni og í fleiri deildum evrópsks handknattleiks er að finna hér.
Vinsælt lesefni:
- Auglýsing -
