- Auglýsing -
Valsmaðurinn Stiven Tobar Valencia var valinn mikilvægasti leikmaður úrslitakeppni Olísdeildar karla sem lauk í gær þeggar Stiven og samherjar í Val unnu Íslandsmeistaratitilinn í handknattleik annað árið í röð með sigri í fjórða úrslitaleiknum við ÍBV, 31:30.
Stiven fór á kostum í flestum leikjum Vals í úrslitakeppninni og skoraði m.a. 40 mörk í leikjunum níu, þar af sex af fyrstu 12 mörkum Valsliðsins í lokaleiknum í Vestmannaeyjum í gær.
Stiven er einn af yngri leikmönnum Vals sem sprakk út á handknattleiksvellinum á þessari leiktíð þegar Valur varð Íslands-, bikar- og deildarmeistari auk þess að vinna meistarakeppni HSÍ og bikarkeppnina fyrir leiktíðina 2021 sem meira og minna var öll leikin í september og í byrjun október á síðasta ári.
- Auglýsing -
