Stjarnan fær hornamann

Stjarnan hefur fengið vinstri hornamann tímbundið að láni frá FH meðan Dagur Gautason verður fjarverandi vegna meiðsla. Um er að ræða Veigar Snæ Sigurðsson.

Ekki kemur fram í tilkynningu frá FH um hversu langan tíma er að ræða en reiknað er með Dagur verði frá keppni næstu sex til níu vikur. Hann tognaði á hné í viðureign Stjörnunnar og Hauka á síðasta föstudag.

Veigar verður væntanlega klár í slaginn með Stjörnunni gegn KA í TM-höllinni í Garðabæ annað kvöld. Hann hefur ekki verið á leikskýrslu hjá FH í þremur fyrstu leikjum Olísdeildarinnar.