„Þetta var bara flottur sigur í dag og frábær liðsheild,“ sagði Ýmir Örn Gíslason landsliðsmaður í handknattleik karla í samtali við handbolta.is eftir sigur á Georgíu í Laugardalshöll, 33:21, í síðustu umferð undankeppni EM í handknattleik karla.
„Við byrjuðum vel og af mikilli ákefð. Heilt yfir er ég ánægður með leikinn, jafnt í fyrri hálfleik sem í þeim síðari. Varnarleikurinn var fínn og margt af því sem gerðum í sóknarleiknum gekk vel upp. Síðan er það nýting á færunum annað mál,“ sagði Ýmir Örn ennfremur.
„Ég er stoltur af liðinu og öllum í kringum okkur. Allir gera sitt vel. Þar af leiðandi uppskárum við 12 stig í 6 leikjum og förum beint inn á EM,“ sagði Ýmir Örn Gíslason varnarmaðurinn öflugi sem skoraði eitt mark eftir frábæra sendingu Einars Þorsteins Ólafssonar í síðari hálfleik.
Lengra viðtal við Ými Örn í myndskeiði hér fyrir ofan.
Undankeppni EM karla “26: úrslit leikja og staðan
A-landslið karla – fréttasíða.
