- Auglýsing -
Lærisveinar Elíasar Más Halldórssonar hjá Ryger í Stafangri sáu ekki til sólar er liðið tapaði 34:25 fyrir Tiller á útivelli í næstefstu deild karla í Noregi í dag.
Ryger er í 12. sæti af 14 liðum með átta stig. Tiller er í sjöunda sæti með 14 stig. Tvö neðstu liðin falla beint niður í C-deild og liðin í 11. og 12. sæti fara í umspil um að halda sætum sínum.
Tiller var sjö mörkum yfir, 18:11, í hálfleik og reyndist eftirleikurinn auðveldur fyrir heimamenn í þeim síðari.
Ryger vann síðast leik í deildinni í byrjun desember og er sem stendur fjórum stigum frá öruggu sæti þegar 11 umferðir eru óleiknar.
- Auglýsing -
