„Ertu þjálfari, dómari, liðsmaður/kona, stjórnarmaður í handboltahreyfingunni?,“ þannig spyr nýkjörin stjórn Handknattleikssambands Íslands í boðun sinni til félaga og aðildarfólks vegna handboltaþings sem haldið verður í veislusal Vals á Hlíðarenda laugardaginn 3. maí milli klukkan 10 og 14.
„Markmið þingsins er að tengja saman hreyfinguna og fá fram tillögur frá aðildarfélögunum um það hvað má betur fara hjá okkur sem sérsambandi, tilllögur sem nýttar verða við stefnumótun HSÍ til næstu missera,“ segir í tilkynningu frá HSÍ sem hvetur liðskarla og konur, stjórnarfólk, dómara, þjálfara og alla þá sem bera hag handboltans fyrir brjósti að skrá sig og taka þátt í þinginu.
„Skráðu þig þá á þingið og taktu þátt í að móta handboltahreyfinguna á Íslandi!“ – skráning er hér.
