Haukur Þrastarson og liðsmenn pólska meistaraliðsins Industria Kielce sitja í fjórða sæti A-riðils Meistaradeildar Evrópu þegar tvær umferðir eru eftir. Þeir töpuðu fyrir PSG í París í kvöld með níu marka mun, 35:26. Franska liðið fór þar með upp í þriðja sætið, næst á eftir Aalborg Håndbold og THW Kiel sem endurheimti efsta sætið með öruggum sigri á botnliðinu Eurofarm Pelister, 29:23, á heimavelli.
Þrjú mörk
Haukur skoraði þrjú af mörkum Industria Kielce sem náði sér aldrei á strik í Stade Pierre de Coubertin-íþróttahöllinni í París. Til að bæta gráu ofan á svart þá eru báðir aðal línumenn Kielce meiddir.
Andreas Palicka markvörður PSG átti stórleik og varði 19 skot.
Kamil Syprzak og Kent Roin Tønnesen skoruðu sex mörk hvor fyrir PSG. Szymon Sicko skoraði sjö sinnum fyrir Kielce.
Nedim Remili og Yahia Omar skoruðu sex mörk hvor þegar ungverska meistaraliðið Telekom Veszprém lagði nýkrýnda bikarmeistara Danmerkur, GOG, 34:31, í Veszprém í kvöld.
Bjarki Már Elísson skoraði ekki mark að þessu sinni fyrir heimaliðið sem er í þriðja sæti B-riðils með 18 stig að loknum 12 leikjum.
Ellefti sigur Barcelona
Barcelona er efst í B-riðli og treysti stöðu sína á toppnum með sjö marka sigri á portúgölsku meisturunum Porto, 40:33, á heimavelli. Aleix Gómez skoraði sjö mörk fyrir Barcelona og Melvyn Richardson sex mörk. Pedro Valdés, Jakob Mikkelsen, Antonio Areia og Nikolaj Læsø skorðu fjögur mörk hver fyrir Porto.
Staðan í A-riðili:
THW Kiel | 12 | 8 | 2 | 2 | 349:330 | 18 |
Aalborg | 12 | 7 | 2 | 3 | 362:319 | 16 |
PSG | 12 | 7 | 1 | 4 | 368:351 | 15 |
Kielce | 12 | 5 | 3 | 4 | 347:344 | 13 |
Szeged | 12 | 6 | 1 | 5 | 341:349 | 13 |
HC Zagreb | 12 | 5 | 2 | 5 | 323:314 | 12 |
Kolstad | 12 | 4 | 1 | 7 | 336:343 | 9 |
E. Pelister | 12 | 0 | 0 | 12 | 278:354 | 0 |
Staðan í B-riðli:
Barcelona | 12 | 11 | 0 | 1 | 411:343 | 22 |
Magdeburg | 12 | 10 | 0 | 2 | 380:328 | 20 |
Veszprém | 12 | 9 | 0 | 3 | 424:375 | 18 |
Montpellier | 12 | 6 | 0 | 6 | 343:325 | 12 |
GOG | 12 | 5 | 0 | 7 | 363:383 | 10 |
Wisla Plock | 12 | 4 | 0 | 8 | 315:326 | 8 |
Porto | 12 | 3 | 0 | 9 | 349:421 | 6 |
Celje | 12 | 0 | 0 | 12 | 340:424 | 0 |
Tvær umferðir eru eftir af riðlakeppni Meistaradeildar.
Leikir í gærkvöld: