Þórir Ólafsson hefur látið af störfum sem þjálfari meistaraflokks karla hjá Selfossi eftir tveggja ára starf. Selfoss liðið féll úr úrvalsdeildinni á dögunum. Carlos Martin Santos fyrrverandi þjálfari Harðar á Ísafirði og aðstoðarmaður Þóris í vetur tekur við þjálfun Selfossliðsins.
Ennfremur kemur fram að Þórir hafi ekki snúið baki við handknattleiksdeild Selfoss heldur snúi hann sér að öðrum störfum fyrir deildina.
„Ég er mjög þakklátur fyrir tímann sem aðalþjálfari liðsins eftir að hafa verið aðstoðarþjálfari í nokkur ár. Þessi tvö ár hafa verið mjög skemmtileg og lærdómsrík. Ég óska nýjum þjálfara og liðinu góðs gengis í framtíðinni,“ er haft eftir Þóri í tilkynningu Selfyssinga þar sem honum er þakkað fyrir starf sitt við þjálfun karlaliðs Selfoss á undanförnum árum.
Fréttin hefur verið uppfærð.
