Þriðji bronsleikur Íslands á EM karla

Íslenska landsliðið í handknattleik leikur á sunnudaginn um bronsverðlaun gegn Króötunum hans Dags Sigurðssonar á Evrópumótinu í handknattleik. Leikurinn hefst klukkan 14.15. Þetta verður í þriðja sinn sem Ísland leikur um bronsverðlaun á Evrópumóti í handknattleik karla.

Flautað verður til leiks í úrslitaleiknum um gullið, á milli Danmerkur og Þýskalands klukkan 17. Báðir úrslitaleikirnir fara fram í Jyske Bank Boxen í Herning eins og undanúrslitaleikirnir í kvöld.

Fyrir 22 árum mætti íslenska landsliðið danska landsliðinu í Globen sunnudaginn 3. febrúar og tapaði með sjö marka mun, 29:22.

Átta árum síðari vann Ísland landslið Póllands í viðureigninni um bronsið á EM 2010 úrslitaleik í Vínarborg, 29:26, sunnudaginn 31. janúar.