Þýska liðið Füchse Berlin og BM Granollers frá Spáni mætast í úrslitaleik Evrópudeildarinnar í handknattleik karla í Flens-Arena í Þýskalandi á morgun. Bæði lið höfðu betur í undanúrslitaleikjunum í dag. Berlínarliðið lagði Montpellier frá Frakklandi á sannfærandi hátt, 35:29.
Granollers lagði Valsbanana í Frish Auf Göppingen, 31:29, í síðari undanúrslitaleiknum. Göppingen liðið gerði harða hríð að Granollersliðinu undir lokin en allt kom fyrir ekki.
Í hinum undanúrslitaleiknum á morgun eigast Montpellier og Göppingen við í leiknum um bronsverðlaunum.
Eftir jafna stöðu að loknum fyrri hálfleik voru leikmenn Füchse Berlin sterkari í síðari hálfleik og unnu með sex marka mun, 35:29. Danirnir Hans Lindberg og Mathias Gidsel voru markahæstir hjá Berlínarliðinu með samanlagt 14 mörk. Julien Bos og Yanis Lenne skoruðu sex mörk hvor fyrir Montpellier.
Jan Gurri Aregay var markahæstur hjá Granollers með níu mörk í níu skotum. Faruk Yusuf og Antonio Robledo skoruðu sex mörk hvor.
Josip Sarac og Kresimir Kozina skoruðu fimm mörk hvort fyrir Göppingen.
Vann Kolstad í vítakeppni
Granollers sló út norska liðið Kolstad, sem Janus Daði Smárason og Sigvaldi Björn Guðjónsson leika með, í síðari umferð forkeppni Meistaradeildarinnar í byrjun október á síðasta ári. Úrslitin réðust ekki fyrr en eftir framlengingu og vítakeppni eins og handbolti.is sagði frá sínum tíma.
Úrslitaleikur Füchse Berlin og Granollers hefst klukkan 16 á morgun og verður hægt að fylgjast með útsendingu á Stöð2sport.
