Íslandsmeistarar þriggja síðustu ára, Valur, hefur titilvörn sína í Olísdeildinni undir stjórn nýs þjálfara, Antons Rúnarssonar, með leik á Selfossi laugardaginn 6. september, eftir því sem fram kemur í drögum að niðurrröðun deildarinnar sem birt hefur verið opinberlega á heimasíðu HSÍ.
Nýliðar KA/Þórs hefja endurheimta veru sína í Olísdeidinni á heimavelli sama dag með leik við Stjörnuna sem styrkt hefur liði sitt í sumar eftir basl á síðasta tímabili.
Bikarmeistarar Hauka fá ÍR-inga í heimsókn laugardaginn 6. september og ÍBV tekur á móti Fram.
Landsleikur í Danmörku
Eftir tvær fyrstu umferðirnar, 6. og 13. september verður gert hlé vegna landsleikjaviku en landsliðið mætir danska landsliðinu í Frederikshavn 20. september.
Aftur verður gert hlé vegna landsleikjaviku eftir 6. umferð laugardaginn 11. október og þráðurinn tekinn upp aftur í Olísdeild kvenna hálfum mánuði síðar. Síðustu leikir fyrir HM kvenna eru ráðgerðir laugardaginn 15. nóvember, 11 dögum fyrir fyrsta leik Íslands á HM í Þýskalandi.
Ein umferð fyrir jól
Áætlað er að keppni hefjist aftur í Olísdeild kvenna 13. desember að loknu heimsmeistaramótinu og leikin ein umferð áður en jólaleyfi hefst. Fyrstu leikir í Olísdeild kvenna á nýju ári verða 10. janúar gangi áætlunin eftir.
Leikir fyrstu þriggja umferða Olísdeildar kvenna:
1. umferð – laugardagur 6. september:
Selfoss – Valur, kl. 13.30.
Haukar – ÍR, kl. 14.
ÍBV – Fram, kl. 15.
KA/Þór – Stjarnan, kl. 15.30.
2. umferð – laugardagur 13. september:
KA/Þór – ÍBV, kl. 13.30.
Stjarnan – ÍR, kl. 14.
Fram – Selfoss, kl. 14.30.
Valur – Haukar, kl. 15.
3. umferð:
Selfoss – KA/Þór, kl 18.30 – miðvikudagur 24. sept.
ÍBV – Stjarnan, kl. 13.30 – laugardagur 27. sept.
ÍR – Valur, kl. 14.30 – laugardagur 27. sept.
Haukar – Fram, kl. 15. – laugardagur 27. sept.
Olísdeildir karla og kvenna – leikjadagskrá.
