Áfram eltir Íslendingaliðið Kolstad liðsmenn Elverum sem skugginn í toppbaráttu norsku úrvalsdeildarinnar í handknattleik karla. Kolstad vann Kristiansand TH, 33:28, í Kristjánssandi í kvöld og er stigi á eftir Elverum þegar tvær umferðir eru eftir. Íslenskir handknattleiksmenn skoruðu tíu mörk fyrir Kolstad í leiknum.
Benedikt Gunnar Óskarsson skoraði fjögur mörk og gaf fjórar stoðsendingar. Sigvaldi Björn Guðjónsson skoraði einnig fjórum sinnum og átti eina stoðsendingu. Arnór Snær Óskarsson skoraði tvö mörk. Sveinn Jóhannesson, fórði Íslendingurinn hjá Kolstad skoraði ekki að þessu sinni.
Náði sér ekki á strik
Ísak Steinsson náði sér ekki á strik í marki Drammen HK þegar liðið tapaði á heimavelli ØIF Arendal Elite, 34:30, í norsku úrvalsdeildinni. Ísak skoraði varði tvö skot af 10 sem hann fékk á sig meðan hann stóð í marki Drammen.
Staðan í norsku úrvalsdeildinni:
