Handknattleikskonan efnilega hjá Fram, Dagmar Guðrún Pálsdóttir, hefur skrifað undir nýjan tveggja ára samning við félagið. Dagmar Guðrún, sem er 17 ára örvhent skytta, hefur leikið með Fram frá því hún var 12 ára og er margfaldur Íslandsmeistari með yngri flokkum félagsins, segir í tilkynningu.
Dagmar Guðrún steig sín fyrstu skref í Olísdeildinni síðasta vetur og vakti verðskuldaða athygli. Einnig lék hún með U-liði Fram í Grill 66-deildinni og skoraði 73 mörk í 13 leikjum.
Dagmar Guðrún hefur átt sæti í yngri landsliðum Íslands og hefur leikið 20 landsleiki og skorað í þeim 89 mörk. Hún var síðast í eldlínunni með U17 ára landsliðinu á Evrópumótinu sem fram fór í Podgorica í Svartfjallalandi í fyrri hluta þessa mánaðar.
Ingunn María skrifar undir tveggja ára samning
