Íslenska landsliðið í handknattleik karla, skipað leikmönnum 17 ára og yngri, leikur við Slóvena í krossspili um fimmta til áttunda sæti á Ólympíuhátíð Evrópuæskunnar í Zvolen í Slóvakíu á föstudaginn. Eftir að Danir og Króatar gerðu jafntefli í síðasta leik B-riðils í kvöld varð ljóst að íslenska liðið rekur lestina í riðlinum og leikur þar af leiðandi við Slóvena sem höfnuðu í þriðja sæti í A-riðli.
Spánn leikur við Slóvaka í hinni viðureign krossspils um sæti fimm til átta. Sigurliðin í leikjum föstudagsins leika um fimmta sætið á laugardaginn. Tapliðin eigast við í keppni um sjöunda sætið, einnig á laugardag.
Viðureign Íslands og Slóveníu á föstudaginn hefst klukkan 12.30 eða 14.30 að staðartíma í Slóvakíu.
Á morgun verður kærkominn frídagur hjá piltunum eftir þrjá leiki á þremur dögum.
Í undanúrslitum eigast við Danir og Portúgalar annars vegar og Þýskaland og Króatía hinsvegar.
Úrslit dagsins og lokastaða í riðlum
A-riðill:
Slóvenía – Slóvakía 29:20.
Portúgal – Þýskaland 24:32.
Lokastaðan:
| Þýskaland | 3 | 3 | 0 | 0 | 102 – 60 | 6 |
| Portúgal | 3 | 2 | 0 | 1 | 88 – 74 | 4 |
| Slóvenía | 3 | 1 | 0 | 2 | 73 – 80 | 2 |
| Slóvakía | 3 | 0 | 0 | 3 | 54 – 103 | 0 |
B-riðill:
Ísland – Spánn 25:34.
Danmörk – Króatía 29:29.
Lokastaðan:
| Danmörk | 3 | 2 | 1 | 0 | 90 – 73 | 5 | |
| Króatía | 3 | 1 | 1 | 1 | 82 – 90 | 3 | |
| Spánn | 3 | 1 | 0 | 2 | 84 – 83 | 2 | |
| Ísland | 3 | 1 | 0 | 2 | 80 – 90 | 2 |
