Valur tyllti sér aftur á toppinn í Olísdeild kvenna með stórsigri á KA/Þór, 31:16, í 13. Umferð deildarinnar í N1 höllinni á Hlíðarenda í dag.
Valur jafnaði ÍBV að stigum á toppnum, bæði eru með 22 stig en Valur vann innbyrðis viðureign liðanna fyrr á tímabilinu. KA/Þór er í sjötta sæti með 11 stig.
Eftir jafnræði framan af fyrri hálfleik voru Valskonur með tögl og hagldir það sem eftir lifði leiks. Staðan í hálfleik var 14:8 og að lokum vann Valur 15 marka sigur.
Hafdís Renötudóttir átti stórbrotinn leik í marki Vals er hún varði 16 skot og var með 55,2% hlutfallsmarkvörslu.
Mörk Vals: Ásthildur Jóna Þórhallsdóttir 6, Lovísa Thompson 5, Þórey Anna Ásgeirsdóttir 5, Mariam Eradze 3, Elísa Elíasdóttir 3, Sara Lind Fróðadóttir 3, Hildur Björnsdóttir 2, Arna Karitas Eiríksdóttir 2, Ásdís Þóra Ágústsdóttir 1, Ágústa Rún Jónasdóttir 1.
Varin skot: Hafdís Renötudóttir 16/2,Elísabet Millý Elíasardóttir 0.
Mörk KA/Þórs: Trude Blestrud Hakonsen 5, Tinna Valgerður Gísladóttir 3, Anna Þyrí Halldórsdóttir 2, Lydía Gunnþórsdóttir 1, Sólveig Lára Kristjánsdóttir 1, Kristín A. Jóhannsdóttir 1, Bergrós Ásta Guðmundsdóttir 1, Herdís Eiríksdóttir.
Varin skot: Bernadett Leiner 9/2, Matea Lonac 3.
