Veðmálafyrirtækið Epicbet sendir leyfislaust út frá leikjum Íslandsmótanna í handknattleik leiktíðinni eftir því sem Vísir segir frá. Epicbet, sem ekki hefur leyfi fyrir starfsemi hér á landi frekar en önnur erlend veðmálafyrirtæki, sendir út frá leikjunum á youtube og á samfélagsmiðlum. Epicbet fær ekki aðgang að efni Handboltapassans frá HSÍ, að sögn Róberts Geirs Gíslasonar framkvæmdastjóra HSÍ sem á Handboltapassann hvaðan leikirnir eru teknir í óleyfi.
Ekkert samstarf
Róbert Geir segir við Vísir að ekkert samstarf sé á milli HSÍ og Epicbet.
„Eina samstarfið sem við erum í varðandi handboltann er við Lengjuna og Íslenskar getraunir. Við erum ekki í neinu samstarfi, við hvorki Epicbet, Coolbet eða aðrar þessar síður sem hafa haslað sér völl. Enda ólöglegar síður og óheimilt fyrir þær að vera starfræktar á Íslandi,“ segir Róbert Geir við Vísir.
Leiða leitað
Framkvæmdastjórinn segir að innan HSÍ sé verið að skoða hvaða leiðir séu færar til þess að setja Epicbet stólinn fyrir dyrnar varðandi leyfislausar útsendingar frá Handboltapassanum.
Nánar er fjallað um málið á Vísir.is.
Sjá einnig: Sýn fær ekki aðgang að Handboltapassanum
