Hornamaðurinn örvhenti Alexander Már Egan hefur framlengt samning sinn við handknattleiksdeild Selfoss til tveggja ára. Alexander er uppalinn Selfyssingur og hefur leikið um árabil með meistaraflokki þrátt fyrir að vera aðeins 24 ára og var með stórt hlutverk í liðinu þegar Selfossliðið varð Íslandsmeistari í fyrsta sinn fyrir tveimur árum.
Alexander Már skoraði 39 mörk í 18 leikjum með Selfoss í Olísdeildinni á keppnistímabilinu sem er nýlega lokið auk þess sem hann skoraði í þrígang í leikjunum tveimur Selfoss gegn Stjörnunni í átta liða úrslitum um Íslandsmeistaratitilinn.
„Deildin er gríðarlega ánægð að Alexander skuli framlengja við félagið og verður hann áfram einn af lykilmönnum liðsins,“ segir í tilkynningu frá handknattleiksdeild Selfoss.
- Orkan og ástríðan í leik okkar var mikið meiri
- Voru að elta þrigga marka mun megin hluta leiksins
- Evrópudeild karla “24 – riðlakeppni 32-liða – 4. umferð, úrslit
- Melsungen gerði það sem þurfti til að vinna
- Erum vonandi reynslunni ríkari – Melsungen mætir á Hlíðarenda
