- Auglýsing -
Vignir Stefánsson greindist smitaður af kórónuveirunni í hraðprófi sem leikmenn íslenska landsliðsins gengust undir í morgun. Beðið er niðurstöðu úr PCR-prófi. Hann er þar með kominn í einangrun eftir að hafa náð einum leik með landsliðinu á mótinu. Vignir kom til móts við íslenska hópinn síðdegis á föstudaginn.
Tíu leikmenn og einn starfsmaður landsliðsins á Evrópumótinu hafa þá greinst síðustu daga. HSÍ hefur staðfest að Björgvin Páll Gústavsson er laus úr einangrun eins og hann sjálfur greindi frá í morgun.
Allir gengust undir PCR próf í gærkvöld og reyndist niðurstaðan neikvæð hjá öllum nema þeim 10 sem voru í einangrun, eftir því sem segir í tilkynningu HSÍ sem barst fyrir stundu.
Íslenska landsliðið mætir Króötum í þriðju umferð milliriðlakeppni EM í dag. Flautað verður til leiks klukkan 14.30.
- Auglýsing -
